CAGAYAN DE ORO CITY – Palawman sa kapolisan ang imbestigasyon nunot sa pagkahulog sa pribadong sakyanan nga nahulog sa gitrabaho nga proyekto sa DPWH-10 sa Brgy Bubutan Tubig, Initao, Misamis Oriental.
Kini human nag-resulta sa kamatayon sa tulo ka tawo nga gilakipan nila ni Maria Teresa Zaragosa, 46; Rosa Lariosa Apag, 55; ug si Gilberto Apag, hingkod ang edad, pulos mga minyo ug residente sa Iligan City.
Gibutyag ni PO3 Francis Dadole sa Initao Police Station nga pauli na sa Iligan City ang mga biktima nga sakay sa kolor gray Strada pick-up nga may plate No. VZQ 440 gikan sa syudad dihang nahulog sa gikalot nga bahin sa highway hinungdan sa aksidente.
Gitunulan pa usab sa medikasyon ang duha ka kauban sa mga biktima nga sila si Edgar Zaragosa ug Ermelinda Vinte.
