CAGAYAN DE ORO CITY-Gidekalar sa Philippine Drug Enforcement Agency o PDEA-10 isip “most drug free” ang probinsya sa Lanao del Norte sa tibook Pilipinas.
Subay sa data, miabot sa 156 ang ihap sa mga brgy nga gideklarar nga wala nay mga kaso sa ilegal nga druga sukad Enero hangtud Oktobre 2018.
Gibutyag ni Vincent Orcales sa PDEA-10 ang report ubos sa 4th quarter Joint Provincial Peace and Order Council and Provincial Anti-DRug Abuse Council Meeting sa Macapagal Training Center, Pigcarangan Tubod Lanao del Norte.
Miingon si Orcales nga unang nadeklarar nga drug free ang 19 ka mga barangay sa Lanao del Norte sa tuig 2017.
Sa pagtungtung sa 2018, dugang 137 ka mga barangay ang gideklarar sa PDEA diin upat niini gikan sa Iligan City.
