CAGAYAN DE ORO CITY-Napasaka na ang patung-patong nga kasong kriminal batok sa babayeng kaipon sa negosyante nga mipusil-patay sa pulis ug miangol laing usa sa shootout diha sa Masterson Avenue,Upper Carmen ning syudad.
Kini human gipusil sa suspek Abdulhalim Adilao si SPO1 Serge Maceren sa Highway Regional Patrol Group sa PNP nga igo lamang mi-flag down ang gisakyan niini nga Hyundai Accent nga nagbaton sa improvised plate number.
Miingon si City Director Police Sr Supt Nelson Aganon nga maoy gikasuhan si Joan Natividad Gomez nga kauban ni Adilao dihang nahitabo ang kremin sa miaging adlaw.
Una niini,napusillan usab ni Maceren ug ni SPO2 Lendy Baltazar si Adilao hinungdan sa kamatayon usab niini.
Samtang
gikompirmar ni Aganon nga amahan sa vice mayor sa Lanao del Sur ang suspek nga mipusil-patay kang Maceren sa Highway Patrol Group dihang mihimo ang PNP-HPG sa anti-carnapping operation sa Masterson Avenue, Upper Carmen ning syudad.
Gibutyag ni Aganon nga ang suspek nga si Adilao ang amahan ni Butig vice mayor Bunail Adilao.
Matud ni Aganon, si Adilao ang adunay negosyo nga “gun store” nga nag operate sa Pampangga ug Marawi.
Napatay usab si Adilao dihang nakabalos pagpusil ang kauban ni Maceren nga Baltazar.
