CAGAYAN DE ORO CITY-Giangkon ni City Director Police Sr Supt Nelson Aganon nga dunay kapalpakan sa hugot nga pagpatay sa mga sakyanan nga sulod-gawas sa dakbayan.
Gihimo ni Aganon tungod sa pagpinusilay sa tulo ka pulis batok dakong negosyante diin duha ang patay sa Upper Carmen sa syudad miaging semana.
Miingon si Aganon nga gilayong may gihimo na usab sila nga security adjustments aron dili na masubli ang maong hitabo.Nasayran nga pulos patay sila si SPO1 Sergs Maceren sa PNP-Highway Patrol Group ug ang suspek nga si Abdulharim Adilao nga kalit namusil dihang gisitar ang sakyanan nga may improvised plate number.
Samtang dili pa makompirmar sa kapolisan kon tinud-anay nga dunay koneksyon sa teroristang Maute-ISIS ang pamilya sa napatay nga si Adilao sa Butig,Lanao del Sur.
Kini ilabina nga bise-mayor ang anak ni Adilao sa maong lungsod diin lugar nga kagikan sa magsoong Maute nga kabahin sa miatake sa Marawi City sa tuig 2017.
Miingon si City Director Police Sr/Supt Nelson Aganon nga human mapatay si Adilao kay unang namusil sa mga pulis,nagsunod-sunod ang pagsulod sa mga impormasyon kabahin sa mga kalihukan sa pamilya niini.
Samtang dili mokimpirmar ni PNP Regional Highway Patrol Unit regional director Police Sr Supt Danilo Quintipo kon bisitahon ni Pres Rodrigo Duterte ang haya ni Maceren nga nakahaya sa Camp Evangelista,Brgy Patag sa syudad.
Kini human una nang nakaabot kang Duterte ang gidangatan ni Maceren ingon man ni Baltazar tungod sa pagtuman sa ilang trabaho batok sa mga motorista nga nalambigit sa ilegal nga kalihukan.
Miingon si Quintipo nga hayan modalikyat ang ilang director general sa PNP-Highway Patrol Unit aron ipaabot ang pasubo direkta sa pamilya ni Maceren.
Si Maceren ang nagbaton sa igo sa dughan dihang gipusil sa M-4 rifle sa suspek nga si Adilao sa Upper Carmen sa syudad sa miaging semana.
