CAGAYAN DE ORO CITY-Pursigido si Pres Rodrigo Duterte pagpuhag sa kalihukan sa insurhensiya nga dala sa Communist Party of the Philippines-New People’s Army-National Democratic Front o CPP-NPA-NDF sa nasud.
Kini human pirmahi ni Duterte ang executive order o EO 70 diin nag-sentro sa paggukod sa kalihukan sa mga komunista.Miingon si National Intelligence Coordinating Agency o NICA regional director Michael Ordonia nga gihan-ay na ang gabayan sa maong task force aron subayon sa molangkob niini.
Una nang misulti si Duterte nga gusto niya atbangan ang sparu unit sa CPP-NPA-NDF nga kanunay target ang mga sakop sa gobyernong puwersa.
Samtang gidepensa ni 4th ID,Philippine Army commander Maj Gen Ronald Villanueva kon nganong naglihok pa gihapon ang rebeldeng New People’s Army o NPA nga ubos sa Communist Party of the Philippines o CPP sa nasud.
Miingon si Villanueva nga ang pagpuhag sa NPA ang dili kasulbaran sa gisabwag nila nga kagubot kay naghupot usab sila sa politikanhon kalihukan.
Hinoon,masaligon si Villanueva nga tungod sa pagpursige ni Pres Rodrigo Duterte sa paglumpag sa maong mga pundok,di na madugay ug makab-ot na niini ang kadaugan alang sa katawhan.
