CAGAYAN DE ORO CITY-Patay ang usa ka motorista human mabangga sa poste sa usa ka billboard sa Buena Oro, Brgy Macasanding ning syudad.
Giila sa biktima nga si Joel Paro 45 anyos, habal-habal driver, ug residente sa Brgy Taguanao ning syudad.
Base sa imbestigasyon ni PO2 Frederick Caaminyo sa Macasanding Police Station nga dead on the spot ang biktima tungod sa pagkabuak sa ulo ug dakung labhag sa iyang dughan.
Narekober sa gimaneho nga motor sa biktima ang usa ka makahubog nga ilimnon.
Gi-angkon usab sa mga higala sa biktima nga nakainom ang biktima sa iyang pagbiyahe.
Nadawat na sa pamilya ang pagkadisgrasya sa ilang padre de pamilya.
