CAGAYAN DE ORO CITY-Mikunhod ang ihap sa mga piriso sa City Jail male facility sa hinapos nga bulan sa Disyembre.
Namahayag si BJMP-10 Spokesperson JO3 Orly Vicente Montalban nga epektibo sa plea bargaining nga ilang gipatuman ilabina sa mga napaslak sa prisohan gumikan sa kaso RA 9165 o pagkalambigit sa ilegal nga druga.
Gitin-aw ni JO3 Montalvan nga taas ang tsansa nga ma raffle ang usa ka kaso ilabina kung ang piniriso nagbaton sa 5 gramos pa ubos nga kaso sa pagpayuhot ug paggamit sa shabu.
Apan, gi-angkon sa maong jail officer nga taliwala nag-ubos ang ihap sa piniriso, pabilin gihapong overcrowding ang suliran sa tanan jail facilities sa tibook nasud.
Si Montalvan namahayag nga dili gihapon ideal ang kapasikad sa mga prisohan itandi sa ratio sa ihap sa mga piniriso nga mapaslak sa usa ka selda.
