CAGAYAN DE ORO CITY-Mag-atubang sa kasong reckless imprudence resulting to multiple homicide ug physical injuries ang drayber sa PUJ nga naaksidente sa Brgy Taglimao ning syudad.
Kini human namatay sa maong aksidente ang pasahero nga sila si Danilo Dablio ug kanhi Pigsag-an Barangay Kagawad Mario
Pimentel samtang 24 ang samaran.
Si SP02 Danny Berto, imbestigador sa Lumbia Police Station miingon nga mibuto ang brake sa PUJ hinungdan nga nawad-an sa kontrol ang drayber nga si Ritchie Macua.
Overloaded ang jeep samtang padulong kini sa Tumpagon, Barangay Lumbia ning syudad gikan sa sentro nga bahin sa dakbayan.
Samtang gibulgar sa usa sa mga naangol nga pasahero sa nabalintong nga PUJ nga si John Cabahog nga sa taplod misakay ang duha sa mga namatay sa aksidente diha sa Brgy Taglimao ning syudad.
Sumala ni Cabahog nga milagpot sila si Dablio ug Pimentel sa dihang nawad-an sa kontrol ang drayber sa PUJ hinungdan nga nadat-ugan ug miresulta sa ilang kamatayon.
Una niini, pipila usab sa mga nasamdan ang nakaangkon sa bali ug bun-og sa kalawasan.
