CAGAYAN DE ORO CITY -Wala malisang ug mabalaka si City Mayor Oscar Moreno sa kasong plunder nga iyang giatubang sa Ombudsman.
Kini may kalabutan sa gipasakang kaso ni Clemente Atok nga plunder, technical malversation, grave abuse of authority ug grave misconduct.
Si Moreno miingon nga walay angayang kabalak-an tungod kay “fully accounted” ang P79 million nga kantidad sa cheque nga gikwestyon sa complainant. H
Gihataga’g 10 ka adlaw ni Deputy Ombudsman for Mindanao Rodolfo Elman si Moreno nga makaduso sa iyang counter affidavit.
Samtang daw gikalipay sa legal counsel ni Atok nga si Atty Leon Gan ang tubag ni Moreno nga “fully accounted” ang P79 million nga kantidad sa cheque nga gikwestyon sa Commission on Audit – 10.
Matud ni Gan nga mas maayo nga pasabton ni Moreno ang katawhan sa dakbayan kung nganong gipangalan kaniya ang 8 hangtud 10 ka cheque nga nagbaton sa dagkong kantidad.
Siya miingon nga mismo ang COA ang nakakita sa anomalasong pagpaggawas sa maong kantidad sa salapi nga gipanag-iyahan sa katawhan.
