CAGAYAN DE ORO CITY-Patay ang usa ka tawo samtang 53 ang samaron sa pagbuto sa break sa usa ka elf truck nga gisakyan sa mga grupo sa mag-uuma nga lumad sa Sayre Highway, Sumilao Bukidnon.
Giila ni Sumiloa PNP chief Dennis Serilla ang namatay nga si Florida Sabido.
Gibutyag ni Serilla nga nahulog sa pangpang ang truck human mawad-an kini sa break.
Nagkalisod pa sa pag-rescue ang rescuers sa mga biktima ug daling gipadala sa nagkadaiyang mga hospital sa lungsod.
Samtang base sa interview sa Bombo Radyo kang Brgy Kagawad Reynaldo Ricaforte, gibutyag nga dunay balay nga naguba human madaro kini sa elf truck.
Padulong ang mga mag-uuma sa ilang reunion sa usa ka banana plantation sa El Salvador City.
