CAGAYAN DE ORO CITY-Gihangyo ni Regional Peace and Order Council chairman City Mayor Oscar Moreno ang mga rebeldeng New People’s Army nga likayan ang pagpangatake sa gobyerno sa ilang ika-50 ka tuig nga anibersaryo sa Disyembre 26 ning tuiga.
Si Moreno miingon nga makapadaut sa hulagway sa komunidad ang engkwentro tali na sa militar ug mga armadong grupo.
Naglaum si Moreno nga tahuron sa duha ka grupo ang kasaulugan sa pasko nga nagsimbolo sa panahon sa paghigugmaay ug paghinatagay.
Gihimo usab ni Moreno ang apelar tungod sa gihimong pag-atake sa pag-ambush sa mga sundalo sa Bukidnon ug pagdagit sa 12 ka Cafgu members ingon man pagkawat sa mga armas sa army detachment sa Brgy Tubigon,Sibagat,Agusan del Sur.
