CAGAYAN DE ORO CITY-Ablihan sa di madugay sa Bureau of Customs kauban ang ubang ahensiya ang tulo ka kadudahang magnetic lifters nga midunggo sa Mindanao International Container Terminal o MICT sa Tagoloan,Misamis Oriental.
Kini human unang gialerto sa Customs ang MICT kabahin sa pagdunggo sa barko nga gisakyan sa maong kargamento gikan sa China sa miaging bulan ning tuiga.
Miingon si MICT collector John Simon nga nagkinahanglan una sila sa mga eksperto sa pag-abli sa magnetic lifters tungod sa sobra kabaga sa puthaw niini.
Gipugngan una ni Simon mabutyag kon kinsa ang consignee o tag-iya sa kargamento ilabina nga dili pa sigurado kon posibleng ilegal nga droga ang sulod sama sa nasapon sa PDEA-Manila nga magnetic lifters sa kauluhan 11 bilyon pesos ang shabu shipment gikan China ang nadiskobre.
