CAGAYAN DE ORO CITY-Giawhag ni Mis Or PPO spokesperson Pol Supt Arlene Ranario ang tanan namuyo sa lalawigan sa Misamis Oriental nga magmabinantayon batok sa posibleng kalit nga pag-atake sa mga sakop sa NPA, taliwala pa man nga nagdeklarar na ang ilang pundok sa kaugalingong ceasefire hangtud sa adlaw sa ilang anibersaryo sa Disyembre 26.
Namahayag si Ranario nga gipakusog pa nila ang ilang police visibility ilabina sa mga area nga ilang gidudahan nga taas ang risgo sa pagpangatake sa mga rebelde.
