CAGAYAN DE ORO CITY-Dili lung-an sa militar ang opensiba batok rebeldeng New People’s Army o NPA bisan sa pagsaulog sa
kapaskuhan ug pagsugat sa bag-ong tuig ang katawhan sa Mindanao.
Miingon si 4th ID,Philippine Army commanding officer Maj Gen Ronald Villanueva nga walay angay isaulog ang CPP-NPA nga anibersaryo kay puno lamang kini sa mga pagpamakak atubangan sa katawhan.
Dumduman nga walay gilugwa nga suspension of military operation si Pres Rodrigo
Duterte bisan sa tanyag nga unilaterial ceasefire ang CPP alayon sa kapaskuhan ug bag-ong tuig sa nasud.
Samtang gihugtan pa ni PNP regional director C/Supt Timoteo Pacleb ang ka-alerto sa ilang puwersa samtang nagkaduol na ang ika-50 ka tuig
nga anibersaryo sa Communist Party of the Philippines sa Disyembre 26 ning tuiga.
Kini ilabina nga kanhi na na-atake sa gatusang NPA rebels kaniadto ang police station sa lungsod sa Binuangan,Misamis Oriental sa tuig 2017.
Miingon si PNP regional spokesperson Police Supt Surki Serenias nga kini ang hinungdan nga gidid-an una ang tanang mga pulis magbakasyon gawas lamang kon magbaton sa grabeng balatian.
Hugot ang koordinasyon sa PNP ug AFP aron kapugngan ang pag-atake sa mga rebelde batok sa kagamhanan.
Samtang makasukol ang rebeldeng New People’s Army o NPA bisan sa dako nga puwersa nga gamiton sa gobierno aron sila lumpagon sa hingpit sa nasud.
Panganti kini ni CPP-NPA founding chairman Jose Maria Sison tungod sa pagdumili ni Pres Rodrigo Duterte nga mobalik sa peace talks negotiation nga naputol ning tuiga.
Miingon si Sison kinsa naka-exile sa The Netherlands nga bisan unsang orasa makahimo kini’g pag-atake sa gobierno kon gustuhon
nila.
Nasayran nga nabungkag sa militar ang duha ka kampo sa NPA nga gitoohang lugar unta aron himoon ang ika-50 ka tuig nga anibersaryo sa CPP sa Bukidnon sa miaging semana.
