CAGAYAN DE ORO CITY-Gipasigarbo sa rebeldeng New People’s Army o NPA nga pabiling pakyas ang gobierno pagpuhag sa
liderato sa Communist Party of the Philippines o CPP bisan gigamita’g dakong puwersa sulod na sa 50 ka tuig.
Kini ang kabahin sa unod pahayag sa NPA alayon sa selebrasyon sa CPP sa ika-50 ka tuig nga giingong pakigbisog batok sa mga abuso nga
pakyas masumpo sa kagamhanan.
Miingon si Ka Malim Mabini,tigpamaba sa NPA North Central Mindanao Regional Command nga tungod niini,
Nalusad nila ang dul-ag 90 ka atake sa gobierno diin 82 ka sundalo ang napatay samtang 17 usab gikan sa ilang panig sulod ning tuiga.
Samtang dili angay magpadala ug pagpailad pa ang katawhan kabahin sa pasiatab nga mugna sa komunistang grupo ilabina sa rebeldeng New People’ Army o NPA nga kanunay manghaylo aron sila makabato’g puwersa.
Miingon si 4th ID,Philippine Army commanding officer Maj Gen Ronald Villanueva nga ensakto na ug dili na angay tuhuan pa ang kanunay balik-balik nga pagpamakak sa mga rebelde kay pagpanguwarta lamang ang gimando kanila sa mga kadagkuan niini.
Gihimamak usab ni Villanueva nga may 82 ka sundalo nga napatay sa opensiba sa mga rebelde sulod
ning tuiga.
Samtang miapelar si Cagayan de Oro Archbishop Antonio Ledesma sa panig sa gobierno ug mga rebelde nga
abliha’g balik ang sinultihay sa kalinaw ilabina sa Mindanao.
Gihimo ni Ledesma ang hangyo dungan sa pagtamod sa kasaulugan sa pasko diin nagkasinukliay sa mga hait nga pulong ang panig sa militar ug rebeldeng New People’s Army.
Miingon si Ledesma nga dili masulbad ang dagkong suliran sa katawhan kon kanunay iagi sa mga bukas sa armas ang himoon sa duha ka panig.
