CAGAYAN DE ORO CITY-Namugos ang rebeldeng New People’s Army o NPA nga wala sukad napildi sa tropa sa gobierno ang
kalihukan sa Communist Party of the Philippines o CPP sulod na sa halos 50 ka tuig nga paglihok sa nasud.
Giangkon ni Ka Malim Mabini,tigpamaba sa North Central Mindanao Regional Command sa CPP-NPA nga wala pa nila makab-ot ang
kadaugan tungod sa kalig-on sa puwersa sa gobierno.
Una nang gibarugan ni Mabini nga sa dul-ag 90 ka atake ug depensa nila batok sa tropa sa gobierno,napatay niini ang 80 ka sundalo apan nahunusan usab ang ilang 17 ka mga kauban sulod ning tuiga.
Samtang dili pugngan sa 4th ID,Philippine Army ang kasaulugan sa CPP-NPA sa ika-50 ka tuig nga anibersaryo sa
Norhern Mindanao ug Caraga Regions ugmang adlawa.
Miingon si 4th ID commanding officer Maj Gen Ronald Villanueva nga igo ra nila bantayan ang mga rebeldeng New People’s Army o NPA kon ugaling mohimo’g pagpanghasi sa katawhan.
Gipasalig usab ni Villanueva nga anaa sila sa kanunay paghatag seguridad batok sa mga isabwag nga kagubot sa komunistang
grupo.
Una nang gihimakak ug gitawag nga bakakon ni Villanueva si Mabini sa gibutyag niini nga napatay ang 80 ka sundalo tungod sa engkwuentro ning tuiga.
