CAGAYAN DE ORO CITY-Napugngan sa tropa sa militar ang pagsaulog sa ika-50 ka tuig nga anibersaryo sa Cummunist Party of the Philippines-New Peoples Army o CPP-NPA nga ubos sa Eastern Mindanao Command o EASTMINCOM.
Miingon si 4th ID,Philippine Army commanding officer Maj Gen Ronald Villanueva nga epekto kini sa lapad nga operasyon sa tropa sa
gobierno rason gisibog sa CPP-NPA members ang pagsaulog sa laing mga adlaw.
Dugang ni Villanueva nga naglisod ang mga komunista tungod sa kamanduan ni Pres Rodrigo Duterte nga hingpit ipabungkag na sila ipabungkag
diin gigamit na ang attack planes sa kagamhanan.
Samtang gilimitahan ni Pres Rodrigo Duterte nga makapakusog pa sa puwersa ang Cummunist Party of the Philippines-New Peoples Army o CPP-NPA pinaagi sa wala pag-deklarar sa suspension of military operations o SOMO ning tuiga.
Kini ang rason nga gipakusog usab sa militar ang ilang operasyon bisan nagtanyag ang CPP-NPA sa lima ka adlaw nga unilateral ceasefire tungod sa kapaskuhan ug pagsugat sa bag-ong tuig.
Miingon si Villanueva nga sulod sa lima ka dekada,kini ang unang tuig nga wala mohatag pabor ang gobierno aron lakagon ang CPP-NPA
diha sa kabukiran.
