CAGAYAN DE ORO CITY-Ipatawag sa South Korean officials ang kadagkuan sa Verde Soko Philippines Industrial Corporation sa ikaduhang adlaw sa closed door conference diha sa Phividec Industrial Estate sa Tagoloan ning lalawigan karong buntag.
Kini aron pangayu-on ang garantiya kabahin sa pagbayad sa dakong galastuhan sa pagpabalik sa mga basura nga gipasulog niini sa
lalawigan.
Miingon si Mindanaon International Container Terminal collector John Simon nga ituki usab sa katiguman kon unsa nga paagi makuha ang nagtapun-og nga basura sa Verde Soko sulod sa ilang gipatoo nga planta sa Brgy Sta Cruz,Tagoloan nga unang miabot niadtong Hulyo ning tuiga.
Nasayran nga nahidangat ang Korean officials aron personal sutaon ang impormasyon kabahin sa pagsulod sa mga basura gikan sa South Korea sukad Hulyo ug Oktubre ning tuiga.
