CAGAYAN DE ORO CITY-Nagdala’g peligro sa panglawas ug kinaiyahan ang libo kapin ka tonelada nga basura nga iya sa Verde Soko Philippines Industrial Corporation diha sa lungsod sa Tagoloan,Misamis Oriental.
Kini maoy opisyal nga finding sa DENR-EMB kabahin sa mga basura nga gisulod sa 51 ka tonelada nga naharang sa Bureau of Customs nga nakabase sa Mindanao International Terminal Container o MICT nga unang miabot sa Oktubre 2018.
Miingon si Sangguniang Panlalawigan board member Gregorio Sabal III,vice chairman sa environment committee nga mismo ang Korean officials ang nakakita sa dala nga peligro sa mga basura.
Nasuta nila kini sulod sa duha ka adlaw nga panagtabo diin mihimo sila’g random nga pag-inspeksyon sa container vans sulod sa MICT compound sa miaging semana.
