CAGAYAN DE ORO CITY-Pabilin nga wala pa mailhi sa Armed Forces of the Philippines ang identity sa duha ka lalaki nga gitoohang miyembro sa rebeldeng New Peoples Army nga napatay sa engkwentro sa Bukidnon.
Si 1Lt Kenneth Cabinggat, Civil Military Operations Officer ng 8IB Philippine Army miingon nga narekober sa posisyon sa mga namatay ang duha ka mga high powered firearms sama sa 7.62mm, M-14 riffle, magazines ug mga bala.
Unang gibutyag ni Capt Reggie Go, officer-in-charge sa Division of Public Affairs Office sa 4ID Philippine Army nga adunay nahitabong engkwentro tali na sa militar ug 15 ka mga armadong grupo sa Zamboangita,Malaybalay, City Bukindon sa miaging gabii.
Walay naangol sa panig sa mga sundalo.
Samtang sutaon pa ni Police Regional Office -10 spokesperson Police Supt Surki Serenias ang identity sa duha mga gitoohang sundalo nga gibalhog sa bilangguan tungod sa indiscriminate firing sa Lanao del Norte.
Matud ni Serenias nga kulang pa ang iyang impormasyon nga nakuha sa maong report kung nganong nakapaboto sa ilang armas ang mga suspek apan gibutyag niini nga napasakaan na’g kaso ang duruha sa korte.
Hisayran nga posibleng matanggal sa serbisyo ang duha ka mga sundalo kun ugaling mapamatud-an nga nagpaboto sa
ilang mga armas sa pagsaulog sa pasko.
