CAGAYAN DE ORO CITY-Gikuwestiyon sa Sangguniang Panlalawigan o SP ang DENR-Environmental Management Bureau-1O sa pakyas pagpugong nga dili makasulod ang dul-ag 7-mil ka tonelada nga basura sa South Korea sa lungsod sa Tagoloan,Misamis Oriental.
Kini human nasuta nga walay permiso gikan sa gobierno ang pagpasulod sa Verde Soko Philippines Industrial Corporation sa duha
ka garbage shipments sa lalawigan sugod Hulyo ug Oktubre 2018.
Miingon si SP board member Gregorio Sabal III,vice chairman sa environment commitee nga sunod nila nga gawas sa Verde Soko,sunod nila nga i-kuwestiyon ang DENR-EMB 10 kon nganong wala mapugngi ang pagdiskarga sa mga basura dihang unang midunggo sa pantalan sa lungsod sa Villanueva sa lalawigan sa miaging tuig.
Samtang wala sa hurisdiksyon sa DENR-EMB 10 apan sa Bureau of Customs o BoC ang pagpugong mahaw-as ang dul-ag 7-mil ka tonelada sa imported garbage materials sa South Korea sa Mindanao International Container Terminal o MICT sa Tagoloan ning lalawigan.
Kini ang pag-depensa ni EMB regional director Sabdullah Abubakar kon nganong bisan sa pagsusi sa ilang mga personahe
sa kargamento sa Verde Soko wala mapugngi ang pag-deskarga niini bisan kulang ang mga
dokumento.
Namugos si Abubakar nga wala sila’y tulubagon kay pabiling anaa pa sa kustodiya sa Customs ang maong mga basura bisan nakaabot na kini sa Brgy Sta Cruz,Tagoloan ning lalawigan.
