CAGAYAN DE ORO CITY-Pirmado na ni City Mayor Oscar Moreno ang komunikasyon diin maghangyo sa National Telecommunications
Communication o NTC-10 nga magpatuman sa signal jam sa mga celphone sa syudad.Kini may kalabutan sa traslacion sa Itom nga Nazareno
sa syudad sa Enero 9 ning tuiga.
Miingon si Moreno nga sugdan ang pagkawala sa signal sa alas 4 sa kadlawon padulong sa pasado alas 8 sa
buntag sa mga lugar diin moagi ang parada sa Nazareno diin dagsaon sa 300-mil ka deboto.
Samtang gihangyo karon sa simbahang katolika nga dili mahimong sakyan sa mga politiko ang kasaulugan sa itom nga Nazareno ning semanaha.
Miingon ang usa sa hijos del Nazareno nga si Bro. Toto Salcedo nga dili hikawan ang mga politiko nga magdonar apan wala kini nagpasabot nga hatagan sila sa pabor bugti sa ilang gihatag.
Una ng milugwa ang report nga adunay politiko ning syudad ang naghatag sa sponsorship sa kalihukan sa simbahan apan bugti sa pagbutang
sa tarpulin niini.
