CAGAYAN DE ORO CITY-Patay ang usa ka ginang samtang laing upat ang samaron sa panagbangga sa RTMI bus ug jeep sa Brgy San
Pedro,Initao,Misamis Oriental.
Kini human unang nawad-an sa preno ang jeep samtang pasaka sa buntod nga bahin aron unta motambong sa paglubong sa maong lungsod kagahapon sa hapon.
Miingon si Initao Police Station commander Sr/Insp Arlyn Ranario nga naglisod na ang jeep pagpugong rason nabanggaan sa bus nga gimaneho sa driver nga si Ramil Malinao nga taga-Iligan City.
Giila ang dead on the spot nga biktima nga si Andresa Sabado nga nagpuyo sa Brgy Puntapon sa maong lungsod.
Nadala usab sa ospital sila si Carmen Pupag 56, menyo, Panfilo Tacbobo 57, menyo, Felomina Jagos Uy 52 menyo, ug Magdelina Ubas Bagares hingkod ang panuigon, menyo nga igo lamang mitambong sa lubong.
