CAGAYAN DE ORO CITY-Napatay sa gilusad nga anti-illegal drug buy bust operation ang giingong notoryus drug pusher diha sa Apovel Subd,Brgy Bulua ning syudad.
Giila ni Sr/Insp Breccia Ruth Townend,hepe sa Bulua Police Station ang suspek nga si John Cabaniez,hingkod ang panuigon ug nagpuyo sa Saint John,Brgy Puntod sa dakbayan.
Miingon si Townend nga gipusil sa suspek ang pulis nga nakig-transaksyon kaniya apan wala makabuto ang gigamit nga kalibre 38 nga armas.
Naigo sa duha ka bala ang dughan sa suspek gikan sa back-up police force rason sa kamatayon niini.
Narekober sa SOCO sa crime scene ang kalibre 38;11 ka sachets sa suspected shabu ug P500 marked money.
Si Cabaniez ang pinakaunang suspected drug pusher nga napatay sa kapolisan sa anti-illegal drug operations kay misukol sa syudad sulod ning tuiga.
