CAGAYAN DE ORO CITY-Gibulgar ni Valencia City Police commander Police Supt Ritchie Yandug nga kabahin sa ilang kasuhan ang Phemjeg Security Services Agency kalabot na sa ilang security guard nga nasapon nga nagbitbit sa iyang armas nga walay dokumento sa Sayre Highway, Purok 1, Lumbo Valencia City Bukidnon.
Sumala ni Yandug nga sayop sa agency tungod kay kulang ang ilang impormasyon sa paghatag pahimangno sa ilang mga sakop may kalabutan sa election gun ban.
Si Julito Garcia Baydal, 29-anyos ang pinakauna nga nasikop sukad gisugdan ang Comelec gun ban.
Nakuha sa iyang posisyon ang .9mm caliber pistol, magazines ug walo ka mga buhi nga bala. Depensa sa suspek wala siya masayod sa election gun ban.
