CAGAYAN DE ORO CITY-Patay ang usa ka ginang human maaksidente ang gisakyang motorsiklo diha sa Baloy Tablon ning syudad.
Gibutyag ni SPO4 Julito Cornepelio, deputy station commander sa Cugman Police Station nga nakabangga sa tawo nga mitabok sa pedestrian lane ang motorsiklo nga gimaneho ni Jackson Guno sa maong lugar.
Kini ang hinungdan nga nahulog ang backride nga iyang inahan nga si Sherlita Guno, 48-anyos nga taga Gingoog City.
Miingon si Cornepelio nga sa pagkahulog sa biktima nalatayan kini sa wala gikabutyag nga klase sa sakyanan.
Dali kining gidala sa ospital apan gideklara sa mga doktor nga nakabsan sa kinabuhi.
