CAGAYAN DE ORO CITY-Kumpiyansa si City Mayor Oscar Moreno nga dili basta-basta motoo si Pres Rodrigo Duterte sa gipasiatab sa pito ka brgy kapitan diin naghulagway kaniya nga nalambigit sa kurapsyon sa pagdumala sa syudad.
Kini human unang gibutyag ni kanhi Dept of Agriculture Undersec. Pompee La Vinia nga gipatawag ni kanhi Special Asst to the President Bong Go ang maong mga brgy kapitan aron sayron kon unsa ka tinood ang mga pasangil niini batok kang Moreno.
Miingon si La Vinia nga namulong daw si Duterte nga angay nang hulipan si Moreno nunot sa nagkaduol nga 2019 midterm elections sa dakbayan.
Samtang wala matarog si Moreno sa giingong pagsiatab sa pipila ka brgy kapitan diin naghulagway kaniya sa nalambigit sa kurapsyon atubangan kang Duterte sa Malakanyang.
Miingon si Moreno nga bisan mosumbong pa sila sa White House kaya nila kining himoon kay usa ka demokrasya ang nasud.
Dugang ni Moreno nga gipakita na sa katawhan ang ilang pagsalig sa duha ka mga piliay sa dakbayan aron nga dili kini makatarog kaniya sa political propaganda nga gihimo sa iyang mga kaatbang sa politika sa syudad.
