CAGAYAN DE ORO CITY-Namugos ang PNP nga misukol kanila ang suspected pusher rason nga napusilan-patay samtang gisilbi ang search warrant diha sa Brgy Sinai,Laguindingan,Misamis Oriental.
Kini bisan namugos ang pamilya sa suspek nga si Marvin Narra,40 anyos nga walay kalambigitan sa ilegal nga droga ang ilang amahan nga napusilan-patay sa mga pulis kay giingong misukol.
Miingon si Police Insp Princess Joy Velarde,tigpamaba sa Misamis Oriental PNP nga anaa sa listahan sa Provincial Drug Enforcement Unit o PDEU ang suspek hinungdan nga gihimo ang operasyon gamit ang mando sa korte sa miaging gabii.
Narekober gikan sa suspek ang kalibre 38 nga armas,kasupla sa mga bala ug walo ka sachets sa suspected shabu.
Si Narra ang ikalima nga suspected pusher nga napatay sa kapolisan tungod sa kampanya ilegal nga droga sa lalawigan ning bulana lamang.
