CAGAYAN DE ORO CITY –
CAGAYAN DE ORO CITY – Gidungog na sa mga abogado gikan sa DILG-Manila ang reklamo ni kanhi Taglimao Brgy Kap William Guillani diin nag-kuwestiyon kon nganong nagbaton sa 79 milyon pesos nga cash advance si City Mayor Oscar Moreno nga mismo nakapangalan kaniya ug signatory usab siya niini sa tuig 2015.
Kini human unang nagduda nga gigamit sa personal nga katuyuan ni Moreno ang maong salapi nga walay pagtugot sa konseho sa dakbayan.
Miingon si Guillani nga wala siya mag-kuwestiyon sa cash disallowance order sa Commission on Audit o COA apan nganong ngalan ug signatory ni Moreno ang nalatid sa mga tseke.
Miprangka usab si Guillani nga dili niya masiguro nga makit-ang sad-an si Moreno sa maong reklamo nga dunggon sa DILG-Manila lawyers mismo diha sa ilang regional office sa Master Avenue,Brgy Carmen ning syudad sugod Hulyo 3 ngadto 4 ning tuiga.
Samtang, gibutyag ni City Mayor Oscar Moreno nga liquadated ug natin-awan na ang Commission on Audit o COA nga unang mi-kuwestiyon sa 79 milyon pesos nga cash advance nga nakuha niini gikan sa panalapi sa panudlanan sa syudad sa tuig 2015.
Miingon si Moreno nga walay padulngan ang reklamo ni Guillani batok kaniya tungod kay pulos paglisod-lisod lamang ang katuyuan aron maipit paghatag sa pagserbisyo sa katawhan sa dakbayan.
Namugos si Moreno nga gihimo usab kini ni Guilllani kay napakyas siya sa subli pagdumala sa dakong bahin sa merkado Carmen ning syudad sa naglabay’ng katuigan.
