CAGAYAN DE ORO CITY – Pa-iimbestigaran ni Cagayan de Oro 1st Disrict Cong. Roland ‘Klarex’ Uy sa kamarabaha ang kontrobersiya nga gikalambigitan sa KAPA Ministry International Inc.
Sa mensahe nga gipaabot sa Bombo Radyo, gibutyag sa kongresista nga mag-file siya’g resolosyon sa pagbukas sa 18th congress aron ma-imbestigahan ang KAPA.
Nagtoo si Uy nga suportahan sa iyang mga kaubang magbabalaod ang isumiter niyang proposed resolution.
Dugang pa ni Uy nga angayan lamang nga imbestigahan kini tungod kay nakaalarma na ang gindaghanon sa mga tawo nga nabiktima sa grupo ni KAPA founder Pastor Joel Apolinario.
Gidayeg usab niini ang mando ni Presidente Rodrigo Duterte nga pasirad-an ang buhatan sa KAPA aron dili na madugangan pa ang ihap sa mga tawo nga mabiktima niini.
