CAGAYAN DE ORO CITY – Bitbit ang usa ka home-made shotgun, boluntaryong mitahan sa militar ang laing miyembro sa rebeldeng New Peoples Army (NPA) sa Brgy Lumintao, Quezon, Bukidnon.
Giila ni 88IB PA civic military officer Capt. Norven Jay Garcia ang rebel returnee nga si Jerry Pao Sapra alyas Tikboy, 51-anyos, minyo, miyembro sa Milisyang Bayan (MB) ug residente sa P-8 Brgy Lumintao, Quezon, Bukidnon.
Gawas sa armas, dala usab ni Tikboy sa iyang pagtahan ang usa ka magazine ug walo ka mga buhing bala.
Si Garcia miingon nga gikapoy na si Tikboy sa mga sugo kaniya sa mga regular nga NPA ug gipul-an na usab siya sa pasalig sa grupo nga walay katumanan.
\
