CAGAYAN DE ORO CITY – Gisupak sa kampo sa oposisyon sa Sangguniang Panlalawigan o SP ang kagustuhan ni Gov Bambi Emano nga motukod sa multi-million isolation unit alang sa mga residente nga mag-positibo sa COVID-19 sa Misamis Oriental.
Miingon si SP member Jerry Khu nga sobra ra kadako ang 53-milyon pesos nga pondo aron itukod ang isolation unit building nga halos 30 lamang ka kuwarto.
Nabalaka kini nga dili magamit sa ensakto ang gamiton nga salapi alang sa maong proyekto sa lalawigan.
Samtang gidepensa ni SP board member Gerardo Sabal III ang plano ni Emano sa tukurong isolation unit nga nagbalor sa P53-million sa lalawigan.
Miingon si Sabal nga dili angay itandi ang usa ka ordinaryong ospital room sa isolation facility nga kwarto gumikan sa kalahian sa mga resiketos niini.
Gitin-aw usab ni Sabal nga anaa sa 30 ngadto 50 ka lawak ang mugnaon gamit ang 53 milyones pesos.
