CAGAYAN DE ORO CITY – Misaka pa sa 39 ka tawo ang infected sa coronavirus disease 19 ang natala dinhi sa rehiyon.Kini human laing duha ka pasyente nga gikan sa lungsod sa Don Carlos ug Malaybalay City,Bukidnon.
Miingon si Dept of Health 10 regional director Dr Adriano Suba-an nga tungod niini subli gipasidan-an ang publiko nga dili mohatag kumpiyansa kay pabiling anaa ang taas nga bahad sa bayrus ngadto sa katawhan.
Una niini,pabiling paubos pa gihapon ang Northern Mindanao sa coronavirus disease cases itandi sa ubang mga rehiyon sa nasud.
Samtang hugot gimando ni City Mayor Oscar Moreno sa kapolisan ug mga establisimiento nga pangitaan pagbalik sa brgy exit pass ang katawhan sa syudad.
Kini bisan kon kabahin ang syudad nga gilaugan sa Inter-Agency Task Force tungod sa ubos lamang nga kaso sa COVID-19.
Miingon si Moreno nagsumikad ang iyang kamanduan epekto sa subli pagpadili sa IATF nga makagawas sa panimalay ang mga senior citizen ug 21 anyos paubos ang pangidaron tungod sa dala nga peligro sa bayrus.
