CAGAYAN DE ORO CITY – Nadakpan sa entrapment operation ang suspected illegal recruiter nga nang biktima mga aplikanteng trabaho sa Corrales Avenue ning syudad ning adlawa.
Kini human nagpatabang ang biktima nga si Zaldy Buntag,25 anyos,ulitawo ug nagpuyo sa Initao,Misamis Oriental tungod sa kadudahan nga transaksyon sa suspek nga si Moises Nalon,45 anyos nga taga-Brgy Gusa ning syudad.
Gibutyag ni Cogon Police Station commander Capt Ernesto Sanchez nga gipasaligan ni Nalon nga pasudlon sa trabaho si Buntag apan bugti sa paghatag una niini sa balor sa 3-mil pesos.
Unang nakahatag ang biktima sa mil-500 pesos suspek apan nabantayan niini nga walay kasiguruhan ang pasalig ngadto kaniya.
Nabulgar nga migamit pa kini sa pangalan sa laing tawo ug kompanya aron ipatoo nga may koneksyon kini kabahin sa pagpasulod sa trabaho.
Nakuha gikan sa suspek ang daghang celphone ingon man ang salapi nga gigamit sa operasyon.
Gitakdang kasuhan sa swindling ang suspek sa piskalya sa syudad sunod semama.
