CAGAYAN DE ORO CITY – Gipaboran sa korte ang argumento sa kampo ni Gov Bambi Emano kabahin sa kasong declaratory relief nga unang gipasaka sa grupo ni Vice Gov Jigjag Pelaez nag-kuwestiyon sa legalidad sa 1.5 billion provincial budget ning tuiga.
Kini human gipagawas ni RTC Presiding Judge Marites Felomina Bernales ang hukom nga legal ug nasubay sa balaod ang mga ordinansa nagsuporta sa gipangayo’g pondo sa lalawigan ning tuiga.
Partikular nga gitumbok sa maong huwes nga valid ang mga ordinansa nga 1445-2009;1458-2009 ug 1464-2009 nga nag-sentro sa pondo sa kapitolyo ning tuiga.
Dumduman nga naka-temporary restraining order ang paggamit sa maong alokasyon sa miaging mga bulan tungod sa isyu sa legalidad niini.
Samtang moduso sa apelasyon direkta sa Korte Suprema ang kampo ni Pelaez kabahin sa hukom sa korte sa kasong declaratory relief batok sa 2020 provincial budget ni Emano.
Miingon ang tigpamaba sa grupo sa minoriya sa Sangguniang Panlalawigan nga si Atty Angel Lim nga daghan sila’g opsyon nga mahimong buhaton alang sa ilang sunod nga lakang.
Gani,gi-kuwestiyon usab niini ang ruling sa korte kon nganong daghang rason ang gilakbitan niini sa simple nila nga kaso gipasaka batok sa legalidad sa pondo sa lalawigan ning tuiga.
