Paspas nga nakaabot sa session hall sa Senado si Palawan Rep. Jose Alvarez.
Hugot niyang gisalikway ang pasangil nga usa siya sa nakadawat sa maleta gikan sa pondo sa flood control pinaagi sa mga kanhi security escort ni Zaldy Co.
Matod pa sa mambabalaod, posible nga gidamay lang siya sa isyu sa pagpadala sa salapi ni Co, tungod kay gituohan nga apil siya sa mga mag-iisponsor sa impeachment complaint batok kang Presidente Ferdinand Marcos Jr.
Kini maoy giila ni Alvarez nga motibo sa pagdalahig kaniya, hinungdan nga nalakip ang iyang ngalan sa giingon nga nakadawat og maleta.
Gipadayag usab niya nga si Defensor mismo ang nagpadala kaniya sa impeachment complaint aron i-endorso, apan sa dihang iyang gisalikway kini, didto na siya naapil sa listahan sa mga kuno nakadawat sa maleta.
