CAGAYAN DE ORO CITY – Mag-atubang sa kasong reckless imprudence resulting to multiple homicide ug damage to property ang wing van driver nga midaro sa motorista sa Phase 1,Brgy Anahawon Kibawe, Bukidnon.
Giila ang namatay nga si Kibawe SK chairman Zone Hiro Sinet, 23 anyos kuyog ang iyang backride nga si Mark Alvin Restullas 27 anyos ug pulos ulitawo ug residente sa P-7 Old, Kibawe, Bukidnon.
Gitumbok usab ni Police Lt. Ruel Literatus, hepe sa Kibawe Police Station ang suspek nga si Domingo Sumangue Elicot, 32 anyos, ulitawo nga residente sa lugar.
Mi-depensa pa ang suspek nga wala niya makita ang natabo nga motorista tungod kay anaa sa blind curve nga bahin sa dalan nahitabo ang disgrasya.
Pulos nabuak ang ulo sa mga motorista human malagpot gikan sa pagkadaro sa wing van ug nasunog pa ang ilang motor.
Tingkagol na sa prisohan ang suspek.
