CAGAYAN DE ORO CITY – Gitumbok sa kapolisan nga ‘rido’ o dumot sa pamilya ang hinungdan sa pagpusil-patay sa negosyanteng Maranao sa Brgy Batangan,Valencia City,Bukidnon.
Giila ni Valencia City Police Station commander Lt Col Cipriano Bazar nga si Caliph Tago,42 anyos,minyo ug nagpuyo sa Purok 4,North Poblacion,Maramag,Bukidnon.
Gibutyag ni Bazar nga gipusil ang biktima sa upat ka tawo nga naka-maskara.Nakaangkon sa igo sa ulo ang biktima gamit ang kalibre 45 nga armas nga hinungdan nga patay na kining nadala sa ospital sa maong syudad sa miaging adlaw.
Gitoohan usab nga gikawat pag-apil sa mga suspek ang bag sa biktima nga dunay giingong sulod nga 400-mil pesos nga salaping cash.
Gihimuan pa’g dugang pag-imbestigar sa mga otoridad ang hitabo.
