CAGAYAN DE ORO CITY – Wala sirad-i ni Phividec administrator Pompee La Viña ang posibilidad nga subli molambigit sa politika sa taliabot 2022 elections ning syudad.
Kini kon dunay moaghat kaniya nga mga grupo nga subli ipadagan sa kondisyon nga may angayan pang bag-uhon dinhi sa syudad.
Apan giklaro ni La Viña nga kon natagbaw na ang katawhan sa kasamtangang pamunuan o istilo sa pagpadagan sa syudad,dili na kini mosulod pa sa bugnong lugaynon.
Giklaro niini nga kon mahimo na man lamang siya nga traditional politician o trapo,mas pilion niini nga magpokus sa iyang trabaho nga gisugo kaniya ni Pres Rodrigo Duterte.
