CAGYAN DE ORO CITY – Gikuwestiyon ni Vice Mayor Louie Mark Neri ang balor 300 milyon pesos nga laraw utangon ni Opol Mayor Max Seno alang pipila ka proyekto sa ilang lungsod.
Kini human unang nagduda si Neri sa tinguha sa maong utang kon asa ang tinud-anay nga dapatan niini sulod ning tuiga.
Miingon ang bise-mayor nga wala siya’y laraw nga gubuton ang tinguha nga pagpalambo sa munisipyo apan angay nga klaruhon kini aron dili magduda ang katawhan nga gamiton sa laing katuyuan ang utangon nga pondo gikan sa bangko.
Samtang giakusahan ni Opol Mayor Max Seno ang iyang bise-mayor nga naghinobra ang pagpamulitika bisan nga gitumong ang P300 million bank loan nga palambuon ang ilang lungsod.
Miingon si Seno nga may alokasyon na ang mga proyekto nga angay gamitan sa load nga nga naglakip sa mismong municipal hall,pagpamalit sa construction equipment ug ubang panginahanglan sa munisipyo.
Namahayag ang mayor nga wala siya’y dautang plano kay hurot na ang iyang termino pagka-mayor sa sunod tuig nga eleksyon.
