CAGAYAN DE ORO CITY – Giporma karon ni Provincial Gov Bambi Emano ang komitiba nga molusad sa imbestigasyon batok sa pipila ka empleyado sa kapitolyo nga misupak sa gabayan sa pakigbatok sa COVID-19 sa probinsya.
Kini human dismayado si Provincial Health Office head Dr Jeri Calingasan sa pakyas nga pag-risk assessment sa pipila ka empleyado nga posibleng expose sa bayrus.
Miingon si Emano nga dili nila palabyon ang maong mga kasupakan hinungdang gipa-imbestigaran.
Hisayrang pipila ka na empleyado sa kapitolyo ug dept heads ang natakdan sa bayrus.
Una niini,gibulgar ni Calingasan sa mismong virtual flag raising sa kapitolyo nga may mga empleyado nga wala motagad sa pag-risk assessment kontra transmisyon sa bayrus.
