CAGAYAN DE ORO CITY – Gusto ni SK Federation President John Michael Seno nga pa imbestigaran ang ‘billboards’ nga gipanag-iya sa pamilyang Suan nga giingong may kasupakan sa balaod dinhi sa syudad.
Gibatbat kini ni Seno sa iyang special report subay sa giingong nadawatan niya nga reklamo kabahin sa maong negosyo.
Gibutyag sa batan-ong opisyal nga tuyo niini nga masuta kon nakasunod ba sa balaod ang mga lokasyon nga gipatindugan sa billboards ug aron mahimuan sa bag-ong ordinansa.
Samtang nagtoo si Suan nga panimalos ang gihimo ni Seno batok kaniya.
Kini human unang nag-special report si Suan kabahin sa reklamo sa batan-ong babaye nga giingong na-sexual harass ni Seno gamit ang social media.
Sumala ni Suan nga nagtoo siya nga paggguba lamang kaniya ug sa iyang pamilya ang motibo sa report ni Seno.
Nanganti ang maong konsehal nga iyang atubangon ang maong imbestigasyon.
