CAGAYAN DE ORO CITY – Naka-lockdown sulod sa duha ka semana ang prisohan sa BJMP nga nakabase sa Brgy Pinatilan,Valencia City,Bukidnon.
Kini tungod sa kamatayon sa piniriso ng positibo sa COVID-19 nga nakatakod usab sa jail guard sa maong prisohan.
Gibutyag ni Valencia City Vice Mayor Dr. Pol Murillo nga gikan sa sobra 300 ka piniriso,anaa pa sa 82 niini ang pabiling positibo sa bayrus ug naka-isolate.
Una nang naka-general community quarantine ang maong syudad sanglit may pasyente usab sila nga nagbaton sa UK variant virus.
Hisayrang usa ang Bukidnon sa rehiyon nga dunay taas nga kaso sa bayrus diin kasamtangang naka-MECQ ang lungsod sa Talakag tungod sa kaso sa COVID-19 delta variant nga gikan sa OFW nga nakauli sa Kuwait.
\
