CAGAYAN DE ORO CITY – Naghugot seguridad karon si Tagoloan Mayor Enan Sabio diha sa lungsod sa Tagoloan,Misamis Oriental.
Kini human nakadangop ang mayor aron ipatala sa kapolisan ang bahad sa kinabuhi nga nadawatan niini gikan sa wala matumbok nga mga responsable.
Subay sa gisaysay ni Sabio sa kapolisan nga dunay naglaraw nga pabuthan sa granada ang iyang pinuy-anan hinungdan nga angayan kini nga mag-amping.
Sa pagkakaron,may gihimo na ang buhatan sa mayor ug ang kapolisan aron masubay kon unsa ka tinood ang nadawatan nga bahad niini sa kinabuhi.
