CAGAYAN DE ORO CITY – Gipili na sa partido Padayon Pilipino ang ilang mga inisyal nga mahimong kandidato sa pipila ka lungsod,distrito ug probinsya sa Misamis Oriental sa 2022 elections.
Miingon si Provincial Gov Bambi Emano nga napili ang maong mga alyado sa politika pinaagi sa ikaduha nga convention sa partido via zoom nga gitambungan sa dugay ug bag-ong mga miembro sa partido.
Mismo si Emano ang mi-nominar kang Gingoog City Vice Mayor Pedro Unabia aron ipadagan pagka-gobernador samtang magsilbi nga bise-gobernador niini si incumbent Vice Gov Jigjag Pelaez.
Samtang magsilbi usab nga mo-kandidato pagka-kongresista saikaduhang distrito si Emano ug magpasubli si 1st District Cong Christian Unabia.
Ang igsoon ni Bambi nga si Atty Nadya Emano ang modagan pagka-mayor sa lungsod sa Tagoloan nga mo-atbang kang incumbent Mayor Enan Seno.
Sa pikas bahin,kon walay kabag-uhan si City Mayor Oscar Moreno ang ikaatbang ni Unabia ug kanhi Cong. Aye Hernandez batok Pelaez alang sa pagka-gobernador ug bise-gobernador.
Samtang anaa usab ang puwersa ni 3rd termer 2nd District Cong Juliette Uy,kanhi Vice Gov Joey Pelaez ug Villanueva Mayor Jenny Uy ang dugang ikasangka ni Unabia,Jigjag ug Bambi.
Sa pikas bahin,gikompirmar usab partido Padayon Pilipino ang ilang listahan alang sa pagka-board members sa una ug segundo distrito sa Misamis Oriental.
Subay sa resulta sa party convention,subli magpapili si Boarb Member Wayne Militante samtang mga new comer usab sila si Magsayay Mayor Rey Buhisan,Marlon Khu ug Frederick Khu.
Samtang sa segundo distrito,magpasubli sila Board Members Saysay Emano;Gerardo ‘Boboy’ Sabal III,Dexter Yasay ug ilang bag-o mao si Kag Oni Abejo.
Sila dili pa opisyal nga mga kandidadto hangtod nga walay maduso nga sertipiko de kandidatura sa Commission on Elections sugod Oktubre 1 hangtod 8 ning tuiga.
Dugtong usab niini,direktang gipangulitawhan ni City Mayor Oscar Moreno ang iyang dept head sa City Information Office nga si Maricel Rivera nga kabahin sa magsilbing kandidato pagka-board member sa 2022 elections sa Misamis Oriental.
Kini alayon sa comback political plan ni Moreno nga mag-gobernador pagbalik sa lalawigan kon matibawas na ang iyang katapusang termino dinhi sa syudad.
Miingon ang mayor nga ang gawi ng anaa kang Rivera ang usa sa mga gipangita niya nga ikakuyog sa pagserbisyo sa katawhan sa lalawigan kon hatagan sa laing kahigayunan.
Si Moreno ang three termer governor sa probinsya ayha mitabok sa syudad ug head sa provincial information office sa kapitolyo si Rivera kaniadto.
