CAGAYAN DE ORO CITY – Gikondinar sa pamilyang Rodriguez ang utok sa paglabay’ng granada sa ilang ancestral house niini diha sa Brgy Nazareth ning syudad.
Nagtoo si House Deputy Speaker Rufus Rodriguez nga sila ang tuyo sa maong hitabo apan suwerte na lamang kay wala makabuto ang giisa sa garahe nga granada.
Miingon si Rodriguez nga wala nila isalikway nga dunay koneksyon sa politika ang maong hitabo.
Subay sa kasaysayan,kini ang labing una nga kaso nga dunay pinuy-anan sa dakong politiko nga gihimuan niini samtang paangat ang eleksyon sa syudad.
Samtang gilayong personal gisusi ni City Police Director Col Aaron Mandia ang mismong pinuy-anan ni Rodriguez nga giitsaha’g granada sa wala mailang mga suspetsado diha sa Brgy Nazareth ning syudad.
Gibutyag ni Mandia nga gitahasan niya ang tropa ni Nazareth Police Station commander Capt Allan Cairel nga sulbaron sa dali nga panahon aron masuta kon unsay motibo sa maong hitabo.
Gikompirmar usab sa opisyal nga walay sulod nga bisan unsa explosive components ang MK2 hand fragmentation grenade nga gigamit sa maong kremin kaganihang kadlawon.
