CAGAYAN DE ORO CITY – Gimanduan ni PNP chief Gen Guillermo Eleazar ang tanang regional directors nga naglakip sa Police Regional Office 10 nga mohimo’g ‘target hardening measures’ nunot sa pagsugod sa adlaw sa tingduso sa sertipiko de kandidatura sa mokandidato sa 2022 elections.
Kini aron pugngan ang posibleng pag-ulbo sa intense political rivalry ug election related violence sa gitratar nga election areas of concern.
Gihimo sa Camp Crame ang lakang nunot sa pagka-itsahi’g wala nakabuto nga granada sa pinuy-anan ni Cagayan de Oro 2nd District Cong. Rufus Rodriguez sa miaging adlaw.
Kabahin usab sa gitahas ni Eleazar saa tanang local chief of police nga bantayan ang tanang mga bangko ug ubang financial institutions aron dili atakehon sa political private armed groups nga nagtinguha makabaton sa dakong pondo nga gamiton sa kampanya sa eleksyon.
Dugtong niini,naka alerto na ang kapolisan atol sa unang adlaw sa pagduso sa sertipiko de kandidatura ning adlawa ilabina sa buhatan sa City Comelec sa Burgos Brgy 7 ning syudad.
Gibutyag ni COCPO spokesperson Maj Evan Viñas nga gani may gihimo pa silang simultation exercises aron masiguro nga dili malutsan batok sa mga pundok nga dunay planong mga dautan.
Miingon si Viñas nga nanawagan usab sila sa katawhan nga ipadayon ang kooperasyon ilabina nga anaa pa gihapon sa taas nga restriction ang dakbayan tungod sa bahad sa COVID-19.
Subay niini,nagpadumdom si Comelec-10 Director Atty. Francisco Pobe sa mga buot moduso sa ilang sertipiko de kandidatura ilabina dinhi sa syudad.
Gibutyag ni Pobe nga niadtong pang unang semana nahukman sa komisyon nga sa ilang opisina himoon ang pagpangdawat sa CoC sa mga kandidato.
Giawhag usab sa maong Comelec opisyal ang mga kandidatu nga dili na lamang magdalag sa daghan kauban sama niadtong panahon nga wala pa ang pandemya.
Nunot niini,suspendido una ang extended registration sa SM Downtown hangtod sa petsa 8 ning bulana.
