CAGAYAN DE ORO CITY – Wala pa gani makapanukad sa ilang kampanya apan daw nagpatilaw na sa kainit sa ilang politika si Kag Lordan Suan ug City City Vice Mayor Rainer Joaquin ‘Kikang’ Uy kinsa pulos magpapili pagka-kongresista sa unang distrito sa syudad.
Kini human akusahi ni Suan nga kon molampos siya sa iyang tinguha,dili na unya sama sa dinal-an ni Uy ang iyang masinatian pag-abot sa Kamarabaha.
Maoy gitumbok ni Suan ang daw paghinawod ni Kikang nga halos dili siya patingugon sa ilang regular sessions diha sa konseho.
Samtang gitawag nga dakong bakakon ni Uy si Kag Lordan Suan kabahin sa iyang akusasyon.
Gibulgar ni Kikang nga nahimo lamang ang pagsaba-saba ni Suan kay nag-ambisyon na man kini sa pagka-kongresista sa unang distrito.
Gibutyag sa bise-mayor nga angayang ayuhon na lamang ni Suan ang iyang performance diha sa konseho kaysa mag-imbento’g senaryo aron makapanglipat sa katawhan ning syudad.
Ang pamilyang Uy ug Suan ang dunay lawom nga isyung politika diha sa Brgy Carmen ning dakbayan.
