CAGAYAN DE ORO CITY – Gisibog sa duha ka independent candidates pagka-konsehal sa syudad ug pagka-board member sa lalawigan ang tagsa-tagsa nila ka kandidatura s magkalahi nga Comelec offices sa syudad sulod ning semanaha.
Kini ang gikompirmar ni City Election Officer Atty Ramil Acol diin maoy iyang gitumbok si Louie Maliza nga nagpapili pagka-konsehal sa distrito dos sa dakbayan.
Una niini,gibutyag ni Maliza nga mas gipili niya nga isibog ang iyang kandidatura kay mas prioridad niya ang kasamtangang trabaho isip consultant sa media affairs sa kapitolyo probinsyal sa Misamis Oriental.
Sa pikas bahin,gikompirmar usab ni Provincial Election Supervisor Atty Carlito Ravelo nga miduso sa iyang withdrawl documents si incumbent ABC president Leonard Winstanley sa pagka-indepdent board member candidate sa unang distrito sa lalawigan.
Miingon si Ravelo nga wala malatid ang rason ni Winstanley sa iyang pagbakwi sa kandidatura.
Hisayrang hangtod petsa 15 ning bulana na ra ang gihatag sa Comelec alang sa withdrawal ug substitution sa mga kandidato ayha hingpit sirad-an alang sa 2022 elections
