CAGAYAN DE ORO CITY – Giuyunan sa Police Regional Office 10 nga ubos sa hugot nga pagtutok sa Comelec ang mga kandidato nga midagan tag-as nga posisyon sa tulo ka probinsya ug usa ka syudad sa rehiyon sa 2022 elections.
Kini human unang gikompirmar ni Comelec 10 regional director Atty Francisco Pobe nga ilang gilauman ang ‘intense political rivalry’ sa mga kandidato pagka-gobernador sa Misamis Oriental,Bukidnon,Misamis Occidental ug bisan ang pagka-mayor sa Iligan City.
Miingon si PRO 10 spokesperson Lt Col Michelle Olaivar nga mismo na ang Comelec ang nagsulti niini taliwala nga wala pa’y pag-aprobar sa ilang naduso nga 21 ka lugar nga ipaubos sa election hot spot sa piliay.
Hinoon,wala’y mga dugu-ong hitabo tali sa mga kandidato sa Misamis Oriental,Bukidnon ug Iligan City apan sa Misamis Occidental may giingong sniper attack na ang nahitabo diin gikamatay sa usa ka municipal mayor sa miaging Disyembre 2021.
